فلسطینی رہنما محمود عباس کے مذہبی اور اسلامی امور کے مشیر محمود العباس نے کہا ہے کہ غزہ پٹی میں موجودہ مسلح تصادم کسی نقطے پر رک جائے گا، لیکن جب تک فلسطین کا مسئلہ مکمل طور پر حل نہیں ہو گا اس وقت تک گاہے بگاہے یہ جھڑپ جاری رہے گی۔
فلسطین کے چیف جسٹس العباس کے مطابق برسوں سے جاری فلسطینی اسرائیل تنازع کے خاتمے کا واحد راستہ 'یروشلم، مغربی کنارے اور غزہ کی پٹی' پر اسرائیل کے قبضے کا خاتمہ ہے۔ یروشلم کو فلسطین کے دارالحکومت کے ساتھ ایک خود مختار ملک کے طور پر تسلیم کرنا ہوگا۔
صدارتی مشیر نے کہا کہ "غزہ پٹی میں جارحیت کا موجودہ دور جلد یا بدیر ختم ہوجائے گا لیکن اگر اصل مسئلہ قبضہ حل نہیں ہوا تو قریب یا دور مستقبل میں ایک بار پھر تشدد پھوٹ پڑے گا۔"
یہ بھی پڑھیں: غزہ پٹی سے اسرائیل میں نئے راکٹ فائر کیے گئے
طویل عرصے سے جاری اسرائیلی فلسطین تنازع کا موجودہ آغاز گذشتہ ہفتے اسرائیلی سرحد اور غزہ پٹی سے شروع ہوا تھا۔ جاری تشدد کے نتیجے میں دنیا بھر میں اسرائیل اور فلسطین دونوں کی حمایت میں مظاہرے ہوئے۔ مظاہرین نے عالمی برادری سے فوری اقدامات کرنے کا مطالبہ کیا ہے۔
یہ بھی پڑھیں: غزہ کی پٹی کا تنازع کیا ہے اور حماس کتنا طاقتور ہے؟
ان تنازعات کی وجہ سے اب تک 61 بچوں سمیت 200 بچوں سے زیادہ لوگ جاں بحق ہوچکے ہیں اور ایک ہزار کے قریب زخمی ہوگئے ہیں۔ دوسری جانب اسرائیل میں 10 افراد ہلاک اور 50 دیگر شدید زخمی ہوگئے ہیں۔
(یو این آئی)
