اضاحی پروگرام کے تحت سعودی عرب سے قربانی کا گوشت 27 ممالک میں تقسیم ہوتا ہے

سعودی عرب میں اضاحی پروگرام کے تحت قربانی کا گوشت 27 ممالک میں بھیجا جاتا ہے۔ اضاحی پروگرام ہر سال کی طرح امسال بھی جاری ہے جس میں قربانی کا گوشت مملکت کے دور دراز علاقوں سمیت دنیا بھر کے کئی ممالک میں بھیجا جارہا ہے۔

عرب میڈیا کے مطابق یہ پروگرام 1983 میں شروع کیا گیا، جسے اب تقریباً 40 سال کا عرصہ مکمل ہونے والا ہے، جس کا مقصد سماجی کفالت کے ساتھ مذہبی شعائر کی ادائیگی میں آسانی پیدا کرنا ہے۔

اضاحی پروگرام میں کئی ادارے ایک دوسرے سے باہمی تعاون کرتے ہیں۔ ساتھ ہی دس سرکاری ادارے بھی اس نظام کو چلانے میں کردار ادا کرتے ہیں۔

حج کے ایام میں مکہ مکرمہ اور پھر سماجی انجمنوں کے ذریعے مملکت کے دور دراز علاقوں میں اضاحی پروگرام کے تحت قربانی کا گوشت تقسیم کیا جاتا ہے۔

مملک کے تمام حصوں کے علاوہ 27 ممالک میں بھی قربانی کا گوشت بھیجا جاتا ہے اور قربانی اسکیم کے لیے آن لائن کوپن کی سہولت بھی میسر ہے۔

یو این آئی