روس نے ترکی کے ساتھ کورونا وائرس ویکسین اسپوٹنک وی کی مشترکہ پیداوار پر تبادلۂ خیال کیا ہے۔
روسی سفیر الیکسی یارخوف نے یہ اطلاع دی۔
انہوں نے بتایا کہ جنوری کے آخر میں آر ڈی آئی ایف نے ترکی میں معروف ترک فارما سیوٹیکل کمپنی کے ساتھ معاہدے پر دستخط کیے ہیں تاکہ بین الاقوامی مارکٹ میں اسپوٹنک وی کی ویکسین کو فروغ دیا جاسکے اور ٹکنالوجی کی منتقلی کی جاسکے۔ اس سے ترکی ہر برس لاکھوں خوراک اسپوٹنک وی ویکسین تیار کرسکتا ہے۔
یہ بھی پڑھیں: سعودی حکومت نے 17 مئی تک عمرہ پر لگائی پابندی
اس سے پہلے فروری میں پیئر ۔ ریویوڈ میڈیکل جرنل دی لانسیٹ نے اسپوٹنک وی ویکسین کے فیز 3 کے ٹیسٹ سے ایک عبوری تجزیہ شائع کیا تھا جس میں یہ بتایا کیا گیا تھا کہ کووڈ-19 متاثرہ افراد کے خلاف یہ ویکسین 91.6 فیصد موثر ہے۔
ابھی یہ ٹیسٹ مکمل نہیں ہوا ہے لیکن بیلاروس، سربیا، ارجنٹائن، بولیویا، میکسیکو، نکاراگوا، الجیریا، فلسطین، وینزویلا، پیراگوئے، ترکمانستان، ہنگری، متحدہ عرب امارات، ایران، گیانا، تیونس اور آرمینیا سمیت متعدد ممالک نے یہ ویکسین استعمال کی منظور دے دی ہے۔
یو این آئی
