عراق: امریکی سفارت خانے کے قریب پانچ راکٹ ٹکرائے

عراق کے دارالحکومت بغداد میں واقع امریکی سفارت خانے کے قریب پانچ راکٹ گرے، تاہم کسی بھی گروپ نے اس حملے کی ذمہ داری قبول نہیں کی ہے۔

جس جگہ راکٹ گرے وہ علاقہ گرین زون میں آتا ہے جبکہ وہاں عراقی حکومت کے دفاتر اور دیگر غیر ملکی سفارت خانے ہیں۔

بشکریہ ٹویٹر

تفصیلات کے مطابق دریائے دجلہ کے قریب دھماکوں کی آوازیں سنی گئی اور اسی حصے میں غیر ملکی سفارت خانے واقع ہیں۔

اس حملے میں فی الحال کسی بھی قسم کے جانی نقصان کی اطلاع نہیں ہے۔