افعانستان میں 20 عسکریت پسند ہلاک

افغانستان کے غزنی صوبہ میں طالبان کے خلاف جاری سلامتی دستوں کی مہم میں گزشتہ 24گھنٹے میں کم از کم 20 عسکریت پسند ہلاک کردیے گئے اور سلامتی دستوں نے 21گاؤں پر پھر سے کنٹرول کرلیا ہے۔

صوبائی حکومت کے ترجمان عارف نوری نے بتایا کہ حاسن آباد گاوں میں سلامتی دستوں کی کارروائی میں کمانڈر قاضی حسن سمیت 9 عسکریت پسند مارے گئے۔ اس کے بعد غزنی شہر میں امن و قانون نظام بحال ہوگیا ہے۔

انہوں نے بتایا کہ اس مہم میں کئی عسکریت پسند زخمی بھی ہوئے ہیں۔ انہوں نے مہم میں سلامتی دستوں کے زخمی یا ہلاک ہونے کے بارے میں کوئی اطلاع نہیں دی۔