اسرائیلی وزارت صحت نے ہفتے کے روز ایک بیان جاری کرکے اعلان کیاغیر ملیوں کو اسرائیل آنے کے بعد 14 دنوں تک قرینطن کرنا ہوگا۔
بیان کے مطابق 20 دسمبر سے اسرائیل پہنچنے والے تمام غیر ملکی شہریوں کو لازمی طور پر 14 دن قرنطین میں قیام کرنا ہوگا۔ اس کے پیش نظردنیا کے تمام ممالک کو ریڈ زون میں رکھا گیا ہے۔ اس سے کوئی فرق نہیں پڑتا ہے کہ کسی ملک میں کورونا کی صورتحال کیا ہے۔
وہ ممالک جہاں کورونا وائرس کا انفیکشن کم ہے اور اگر اسرائیلی شہری وہاں سے وطن واپس آجائیں تو انہیں 14 دن تک قرنطین میں نہیں رہنا پڑے گا ، لیکن انہیں 26 دسمبر سے پہلے ہی وطن واپس آنا ہوگا۔اس سے قبل ریڈ زون کے زمرے میں شامل ممالک سے آنے والے افراد کے لئے 14 دن کا قرنطین مدت لازمی قرار دیا گیا تھا۔
قابل ذکر بات یہ ہے کہ دسمبر کے آغاز میں اسرائیل میں نائٹ کرفیونافذ کیا گیا تھا جب کورونا وائرس کے کیسز میں اضافہ ہوا تھا۔ جان ہاپکنز یونیورسٹی کے سینٹر برائے سائنس اینڈ انجینئرنگ سینٹر (سی ایس ایس ای) کے جاری کردہ تازہ ترین اعدادوشمار کے مطابق اسرائیل میں کورونا سے اموات کی تعداد 3074 جبکہ متاثرین کی تعداد 3 لاکھ 72 ہزار 886 ہوگئی ہے۔
یو این آئی
