اسرائیل نے آج سے ملک میں کورونا وائرس کا ٹیکہ لگانے کی مہم کا آغاز کر دیا ہے۔ اسرائیل نے ایک دن میں 60 ہزار افراد کو کورونا کا ٹیکہ لگانے کا ہدف رکھا ہے تاکہ جلد از جلد اس وائرس کو ختم کیا جاسکے۔
اسرائیلی وزیر اعظم بنجامن نیتن یاہو کورونا کی ویکسین لگوانے والے اسرائیل کے پہلے شہری بن گئے ہیں۔ نیتن یاھو نے ادویہ تیار کرنے والے فائزر بائیوٹیک کی کورونا ویکسین لگوائی۔ اس کے بعد اسرائیل کے 81 سالہ صدر روون ریولن نے بھی ٹیکہ لگوائی۔
نیتن یاہو اور وزیر صحت کے بعد شیبہ میڈیکل سینٹر کے 50 ملازمین کو بھی کورونا کے ٹیکے لگائے گئے۔ عام شہریوں کے لیے آج سے اسرائیل میں کورونا ویکسینیشن کی مہم شروع ہوگی۔ 60 سال سے زیادہ عمر کے افراد اور سنگین بیماریوں میں مبتلا افراد کو ترجیح دی جائے گی۔
یہ بھی پڑھیں: لبنانی طلبا کا اضافی فیس کے خلاف احتجاج، پولیس سے جھڑپ
اسرائیل کا کہنا ہے کہ اس نے فائزر اور ماڈرنا دونوں سے ملک کے 9 لاکھ افراد کے لیے کافی مقدار میں ویکسین حاصل کیں ہیں، جن کی ویکسین امریکی حکام نے اس ہفتے کو ہنگامی استعمال کے لیے منظوری دی ہے۔
ملک میں پہلے صحت کے کارکنان کو کورونا کا ٹیکہ لگایا جائے گا، اس کے بعد بزرگ افراد، زیادہ خطرہ والے اسرائیلی اور 60 سال سے زیادہ عمر کے افراد کو ٹیکہ لگایا جائے گا۔
اسرائیل میں اب تک تین لاکھ 70 ہزار سے زیادہ افراد کورونا سے متاثر پائے گئے ہیں اور 3074 افراد کی اس وائرس سے اموات ہوئی ہیں۔
