جے شنکر کی ایرانی وزیرخارجہ سے گفتگو کی

وزیر خارجہ ڈاکٹر ایس جے شنکر نے اتوار کے روز ایرانی وزیر خارجہ جواد ظریف سے گفتگو کی۔ انہوں نے کہا کہ جنرل سلیمانی کے قتل کے بعد پیدا ہونے والی کشیدگی کے تعلق سے ہندوستان بے حد فکرمند ہے۔

ڈاکٹر جے شنکر نے ٹویٹ کیا، ایرانی وزیر خارجہ جواد ظریف سے ابھی بات چیت ختم ہوئی اور ابھی تک کے واقعات کافی سنگین ہو چکے ہیں اور بڑھتی کشیدگی کے تعلق سے ہندوستان کافی فکرمند ہے۔

انہوں نے یہ بھی ٹویٹ کیا، 'ہم نے رابطے میں رہنے کا وعدہ کیا ہے'۔

غور طلب ہے کہ ایرانی کمانڈر میجر جنرل قاسم سلیمانی کی امریکی راکٹ حملے میں موت کے بعد ہندوستان نے جمعہ کے روز امریکہ اور ایران کے تعلقات میں آئی شدید تلخی کے پیش نظر فریقین سے احتیاط برتنے کی درخواست کی تھی۔