مصر نے ہفتے کے روز کورونا وائرس کے پھیلاؤ کو روکنے کے لئے لگائی گئی بہت سی پابندیوں کو ختم کردیا ہے۔ خاص طور پر کیفے اور ریستوراں وغیرہ کو دوبارہ کھولنے کی اجازت دے دی گئی ہے۔
مارچ کے وسط سے بند کیے گئے کافی شاپز کو دارالحکومت قاہرہ میں دوبارہ کھول دیا گیا ہے۔
وزیر اعظم مصطفٰی کمال مدبولی نے کاروبار کو دوبارہ کھولنے کی اجازت دی ہے، لیکن صرف 25 فیصد بیٹھنے کی گنجائش ہو گی۔
محدود پیمانے پر مساجد اور گرجا گھروں کے کھولے جانے کے ساتھ ہی کلبز، جم خانے اور تھیٹرز کو بھی کھولنے کی اجازت دی گئی ہے۔
ملک کے بہت سے تاجروں نے اس فیصلے کا خیر مقدم کیا ہے۔
صدر عبد الفتاح السیسی کی حکومت اس بات کے لیے کوشاں ہے کہ وائرس کے سبب نقصان پہنچنے والی ملک کی معیشت کو ترقی دی جا سکے۔
بین الاقوامی مالیاتی فنڈ نے مصر کے لئے 5.2 بلین ڈالر کے مزید قرضے کی منظوری دی ہے۔
مصر کی وزارت صحت نے بتایا کہ اب تک ملک میں 62 ہزار سے زائد افراد کورونا سے متاثر ہوئے ہیں۔ ان میں سے 2 ہزار 620 افراد ہلاک ہوئے ہیں۔
