ایران میں زلزلے سے پانچ ہلاک، 120 زخمی

ایران میں زلزلے کی وجہ سے پانچ افراد ہلاک ہو گئے اور تقریباً 120 دیگر زخمی ہیں۔

پریس ٹی وی نے جمعہ کے روز حکام کے حوالے سے یہ اطلاع دی ہے۔ اس سے پہلے کی رپورٹوں میں بتایا گیا تھا کہ زلزلے میں کم از کم تین افراد ہلاک ہو گئے ہیں اور 20 دیگر زخمی ہیں۔
یوروپین- میڈیٹیرینین سيسمو لوجیکل سینٹر ( ای ایم ایس سی ) کے مطابق ایران میں جمعہ کی صبح 5.7 شدت کے زلزلے کے جھٹکے محسوس کئے گئے۔
زلزلے کا مرکز ایران کے صوبہ آذر بائیجان کے دارالحکومت تبریزسے 118 کلو کی میٹر دوری مشرق میں واقع تھا۔
ایران جغرافیائی طور پر اسے خطے میں واقع ہے، جہاں اکثر زلزلے آتے رہتے ہیں۔ ایران میں نومبر 2017 میں 7.2 شدت کا زلزلہ آیا تھا، جس میں سینکڑوں لوگوں کی موت ہو گئی تھی اور ہزاروں دیگر زخمی ہو گئے تھے۔