عراق کے صوبہ الانبار میں واقع عین الاسد بیس پرپیر کو ایک اور راکٹ سے حملہ کیا گیا ہے۔عراق کا یہ فوجی اڈا امریکی اور بین الاقوامی افواج کے زیر استعمال ہے۔
میڈیا رپورٹ کے مطابق عراق میں امریکہ کی قیادت میں بین الاقوامی فوجی اتحاد کے ترجمان کرنل وین ماروٹو نے کہا ہے کہ اس راکٹ حملے میں کوئی شخص زخمی نہیں ہوا ہے۔
انہوں نے ابتدائی رپورٹس کے حوالے سے مزید بتایا ہے کہ ”پیر کودوپہر ایک بج کر 35 منٹ پر کیا گیا ہے اور اس سے ہونے والے نقصانات کا اندازہ کیا جارہا ہے۔“ فوری طورپر کسی گروپ نے اس حملے کی ذمہ داری قبول نہیں کی ہے۔
امریکہ ایران کے حمایت یافتہ ملیشیا گروپوں پر اس طرح کے راکٹ حملوں کے الزامات عائد کرتا رہتا ہے۔ عراق میں ایران کی حامی ملیشیاؤں کے تشدد پسند آئے دن امریکہ کی تنصیبات اور فوجی اڈوں پر راکٹ داغتے رہتے ہیں۔
(یو این آئی)
