ایرانی پارلیمنٹ کے اسپیکر نے اعلان کیا ہے کہ وہ نئی مدت کے لیے اس عہدے پر نہیں رہیں گے۔
واضح رہے کہ وہ ایک دہائی سے زائد عرصے سے اس عہدہ پر فائر ہیں۔
انہوں نے کہا کہ 'میرا پارلیمنٹ کے چیئرمین شپ کے انتخاب میں حصہ لینے کا کوئی منصوبہ نہیں ہے، یہ اچانک فیصلہ نہیں ہے بلکہ میں نے کافی غور وخوض کے بعد فیصلہ کیا ہے۔'
لاری جانی 2008 میں پہلی مرتبہ اسپیکر منتخب ہوئے تھے۔ 290 رکنی پارلیمنٹ نے گزشتہ مئی کو اکثریت کےساتھ انہیں اسپیکر منتخب کیا تھا۔
اکیس فروری 2020 کو اراکین پارلیمنٹ ووٹنگ میں حصہ لیں گے۔ امیدواروں کے لیے اپنی درخواست کو رجسٹرڈ کرانے کے لیے ایک ہفتہ کا وقت ہے جس کی ابتدا اتوار سے ہورہی ہے۔
