افغانستان: کابل کی مسجد میں دھماکہ، 4 ہلاک

جمعہ کو افغانستان کے شمالی کابل کے شکردرہ ضلع میں واقع ایک مسجد میں ہونے والے بم دھماکے میں چار افراد ہلاک اور 20 افراد زخمی ہوئے ہیں۔ پولیس کے حوالے سے ٹولو نیوز یہ اطلاع دی ہے۔

پولیس نے کہا کہ جمعہ کی نماز کے دوران شکردرہ کے قلعۂ مراد بک علاقے میں حاجی بخشی مسجد میں یہ دھماکہ ہوا۔

سکیورٹی اہلکار نے اپنے نام ظاہر کرنے کی شرط پر بتایا کہ اس دھماکے میں مسجد کے امام زخمی ہوئے ہیں۔

انہوں نے بتایا کہ بم مسجد کے اندر رکھا گیا تھا۔ ضلع کے ذرائع نے بتایا کہ اس دھماکے میں کم از کم دس افراد ہلاک ہوئے ہیں۔

اب تک کسی بھی تنظیم نے اس دھماکے کی ذمے داری قبول نہیں کی ہے۔