اطلاع کے مطابق ایک خود کش حملہ آور نے لوگوں سے بھرے استقبالیہ ہال میں خود کو دھماکا سے اڑا لیا۔یہ حملہ شہر کے شیعہ اکثریتی علاقوں میں ہوا ہے۔
عینی شاہدین نے بتایا ہے کہ انہوں نے موقع پر کئی لاشیں دیکھی ہیں۔جو اس بم دھماکہ میں مارے گئے ہیں۔
ذرایع کے مطابق ابھی تک لگبھگ 40 لوگوں کے ہلاک ہونے کی خبر ہے۔ لیکن اب تک کسی گروہ نے اس حملے کی ذمہ داری نہیں لی ہے۔
حالیہ دنوں میں افغانستان میں متعدد بڑے خود کش حملے ہوئے ہیں۔
حال میں ہی ، کابل کے باہری علاقے کی پولیس چوکی کو نشانہ بنانے والے ٹرک بم حملے میں چودہ افراد ہلاک ہوگئے تھے۔ اس میں 150 سے زیادہ افراد زخمی بھی ہوئے ہیں۔
ایک طرف جہاں طالبان اور امریکہ کے درمیان افغانستان میں جنگ کے خاتمے کے لئے بات چیت جاری ہے۔ دوسری طرف اس طرح کے بڑے حملے ہو رہے ہیں۔
