افغان فوج کی کارروائی میں 18 طالبان ہلاک

سلامتی فورسز اور پولیس کی جانب سے کی گئی کارروائی میں 18 طالبان مارے گئے اور بارہ دیگر زخمی ہوگئے۔

افغانستان کے قندھار صوبہ میں سلامتی فورسز اور پولیس کی طرف سے کی گئی مشترکہ کارروائی میں 18 طالبان ہلاک ہوگئے۔ قندھار پولیس نے سنیچر کو یہ اطلاع دی۔

پولیس ترجمان جمال ناصر برک زئی نے بیان جاری کر کے بتایا کہ 'سلامتی فورسز اور پولیس کی جانب سے کی گئی کارروائی میں 18 طالبان مارے گئے اور بارہ دیگر زخمی ہوگئے۔'

ترجمان نے بتایا کہ 'اس کارروائی کے دوران طالبان کے ہتھیار بھی تباہ کردیے گئے۔'

افغان سلامتی فورسز اور طالبان نے اس واقعہ کے سلسلے میں کسی طرح کی رائے زنی کا اظہار نہیں کیا ہے۔