مقامی میڈیکل سروس نے جمعرات کو یہ اطلاع دی۔ محکمہ صحت کے حکام نے شناخت خفیہ رکھے جانے کی شرط پر بتایا کہ یہ فائرنگ بدھ دیر رات کو ہوئی، جس میں تقریباً 30 دیگر زخمی ہو گئے۔
زخمی ہوئے مہاجرین میں ایتھوپیا اور صومالیہ کے لوگ بھی شامل ہیں۔
الرکوع نامی یہ مقامی بازار حوثی جنگجوؤں کے کنٹرول والے صوبہ صعدہ میں ہے۔ یہ علاقہ سعودی عرب کی سرحد سے چند کلومیٹر دور ی پر واقع ہے۔
واضح ر ہے کہ سعودی عرب کی قیادت والی اتحادی افواج گزشتہ تقریباً چار برس سے بھی زیادہ عرصے سے یمن میں حوثی باغیوں کے خلاف جنگ لڑ رہی ہے۔
سعودی عرب یمن کے صدر عبد ربہ منصور ہادی کی حمایت میں یہ لڑائی لڑ رہا ہے۔ افریقی تارکین وطن عام طور پر آپ ملک چھوڑ کر یمن کی طرف آ جاتے ہیں، جہاں سے وہ بعد میں سرحدوں کے ذریعے عرب کے خلیجی ممالک میں کام کی تلاش میں دراندازی کرتے ہیں۔
