امریکہ اور ترکی شام میں تشدد روکنے پر متفق

امریکی صدر ڈونالڈ ٹرمپ اور ترکی کے صدر رجب طیب اردگان نے شام کے شہر ادلب میں تشدد روکنے پر اتفاق کیا ہے۔

وائٹ ہاؤس کے ڈپٹی پریس سکریٹری جڈ ڈیرے نے ٹویٹر پر لکھا’’امریکی صدر ڈونالڈ ٹرمپ نے آج ترکی کے صدر رجب طیب اردگان سے فون پر بات کی۔ دونوں لیڈروں نے اس بات پر اتفاق کیا کہ شام کے ادلب میں جاری تشدد کو روکنا ہوگا‘‘۔

ڈیرے نے کہا کہ اس دوران امریکی صدر نے مشرقی بحیرہ روم میں ترکی اور یونان کے درمیان سمندری علاقے کو لے کر موجودہ تنازعات کے حل کی اہمیت پر بھی زور دیا۔