یوکرین روس کے درمیان جاری جنگ Russia Ukraine War کا 14 واں دن ہے اور یوکرین سے لوگوں کی نقل مکانی کا سلسلہ جاری ہے، اب تک 20 لاکھ افراد یوکرین چھوڑ چکے ہیں۔ Number of Ukrainian Refugees
روسی حملوں کے بعد یوکرین کے بعض علاقوں میں لوگ پھنس گئے ہیں جہاں انہیں خوراک، پانی اور ادویات کی قلت کا سامنا ہے۔ یہ دوسری جنگ عظیم کے بعد یورپ میں جاری سب سے بڑی جنگ ہے۔
اقوام متحدہ نے اپنے آفیشیل ٹویٹر اکاونٹ پر ایک پوسٹ شیئر کرکے اس کی اطلاع دی ہے۔ یو این نے ٹویٹ کا کہ یوکرین میں جنگ سے 20 لاکھ افراد نقل مکانی کر چکے ہیں۔Number of Ukrainian Refugees
انھوں نے مزید لکھا کہ دوسری جنگ عظیم کے بعد اب یہ یورپ میں مہاجرین کا سب سے تیزی سے بڑھتا ہوا بحران ہے۔ عالمی ادارہ برائے مہاجرین UNHCR ضرورت مندوں کو انسانی امداد فراہم کرنے کے لیے کام کر رہا ہے۔
وہیں بچوں کے لیے کام کرنے والی تنظیم سیو دی چلڈرن نے کہا ہے کہ 24 فروری سے شروع ہونے والے روس کے حملے کے بعد 8 لاکھ بچوں سمیت 20 لاکھ افراد یوکرین چھوڑ چکے ہیں۔
ایجنسی کا کہنا تھا کہ یوکرین سے باہر نقل مکانی کرنے والوں میں بہت سے ایسے افراد بھی ہیں جو کسی کی مدد کے بغیر بحفاظت ملک سے باہر چلے گئے ہیں۔
یہ بھی پڑھیں: Russia Ukraine War: روس کا یوکرین میں عارضی جنگ بندی کا اعلان، انخلا کی کوشش تیز
این جی او سے کے کارکن ارینا سگویان نے کہاکہ ’’ یوکرین میں والدین اپنے بچوں کو بچانے کے لیے ہر ممکن کوشش کر رہے ہیں۔ بچوں کو یوکرین سے باہر پڑوسیوں اور دوستوں کے ساتھ بھیجا جا رہا ہے جب کہ وہ اپنے گھر بچانے کے لیے وہاں رہ رہے ہیں"۔
اقوام متحدہ کے سربراہ انٹونیو گوٹیریئس نے ٹویٹ کیا کہ یوکرین میں جنگ نہ صرف عام شہریوں کی زندگیوں پر ڈرامائی اثرات مرتب کرتی ہے بلکہ عالمی سطح پر بھی اس کے اثرات مرتب ہوتے ہیں۔
انھوں نے مزید لکھا کہ ترقی پذیر ممالک جو پہلے ہی سنگین حالات میں ہیں خوراک، ایندھن اور دیگر ضروری اشیا کی آسمان چھوتی قیمتوں کے متحمل نہیں ہو سکتے۔
