مشرقی کروشیا میں اتوار کی صبح پیش آنے والے ایک بس حادثے میں کم از کم دس افراد ہلاک اور 40 سے زائد زخمی ہوگئے۔ مقامی میڈیا نے یہ اطلاع دی ہے۔
قومی خبر رساں ایجنسی کے مطابق یہ حادثہ کروشیا کے مشرقی شہر سلاونسکی بروڈ کے نزدیک اے 3 شاہراہ پر پیش آیا۔ یہ بس کوسوو کی رجسٹرڈ تھی اور وہ جرمن شہر فرینکفرٹ سے کوسوو کے پرسٹینا جارہی تھی۔
بس میں 60 سے زیادہ افراد سوار تھے۔ حادثہ کی شکار بس کی کھڑکی کے کانچ ٹوٹے ہوئے ہیں۔ امدادی کارکن بس کے آس پاس موجود ہیں۔
یہ بھی پڑھیں: وسطی کروشیا میں زلزلے کے شدید جھٹکے، ایک ہلاک، متعدد زخمی
مقامی ٹریفک پولیس کے سربراہ فرینزوگولک نے میڈیا کو بتایا کہ یہ حادثہ اتوار کی صبح 6.20 بجے کے قریب پیش آیا۔ انہوں نے کہا کہ حادثہ کس وجہ سے پیش آیا اس کے بارے میں تحقیقات کی جارہی ہے۔
(یو این آئی)
