بار میں فائرنگ، چھ افراد زخمی

فرانس کے ایک بار میں مسلح شخص کی فائرنگ سے کھلبلی مچ گئی اس حملے میں چھ افراد زخمی ہونے کی خبر ہے۔

فرانس کے مارسئ شہر میں ایک نامعلوم مسلح شخص کی طرف سے بار کے اندر گولی چلانے سے چھ افراد زخمی ہو گئے۔

مقامی میڈیا کے مطابق مارسئ شہر کے لا ٹرمنس بار میں ایک نامعلوم مسلح شخص نے گولیاں چلانا شروع کر دی ۔

اس واقعہ میں چھ افراد زخمی ہو گئے ہیں جس میں سے ایک کی حالت نازک ہے ۔ پولیس نے سبھی زخمیوں کو اسپتال میں داخل کر دیا ہے۔

اور حکام نے بار کے ارد گرد کے علاقے کو سیل کر دیا ہے ۔ پولیس نے واقعہ کی جانچ شروع کر دی ہے ۔ گولی چلانے کی وجوہات کا پتہ نہیں چل سکا ہے ۔