جمہوریہ چیک کے شہر لیبریک کے ایک اسپتال میں کورونا وائرس کے نئے ویریئنٹ اومیکرون Omicron Variant کی تصدیق ہوئی ہے۔ وزیر اعظم لیڈی بابس نے ہفتے کے روز کہا کہ ایک خاتون کا اومیکرون ویریئنٹ کا ٹسٹ کیا گیا ہے۔ وہ نامیبیا گئی تھی اور جمہوریہ جنوبی افریقی اور دبئی کے راستے چیک ریپبلک واپس آئی تھی۔ بعد ازاں چیک ٹی وی نے لیبریک اسپتال کے حوالے سے تصدیق کی کہ خاتون اومیکرون وائرس سے متاثر ہے۔انہوں نے کہا کہ خاتون میں بیماری کی ہلکی علامات ہیں، اسے تنہائی میں رکھا گیا ہے۔
آسٹریلیا نے اومیکرون Omicron Variant کے دو کیسز کی تصدیق کی ہے
وہیں، آسٹریلین صحت کے حکام نے پہلی بار ملک میں اومیکرون کے دو کیسز کی تصدیق کی ہے۔ یہ دونوں کیسز ریاست نیو ساؤتھ ویلز میں رپورٹ ہوئے ہیں۔ مقامی میڈیا کے مطابق ریاستی حکومت نے اس نے تصدیق کی ہے کہ ہفتے کے روز جنوبی افریقہ سے سڈنی پہنچنے والے دو مسافر اومیکرون سے متاثر تھے۔ ریاستی حکومت نے کہا کہ مسافروں کو دونوں ٹیکے لگائے گئے تھے اور ان میں کوئی علامت نہیں تھی۔
ڈنمارک میں بھی اومیکرون کے دو مشتبہ کیسز کا پتہ چلا ہے۔ ہفتہ کو دیر گئے وزارت صحت کی طرف سے جاری کردہ ایک پریس ریلیز کے مطابق، جنوبی افریقہ سے ڈنمارک میں داخل ہونے والے مسافروں میں نئے کورونا ویریئنٹ Omicron کے دو مشتبہ کیسز کا پتہ چلا ہے۔
وزیر صحت میگنس ہیونیک نے پریس ریلیز میں کہا، "حکام کو شبہ ہے کہ ہمارے پاس ڈنمارک میں نئے ویریئنٹ Omicron کے پہلے دو کیسز ہیں، جن کا PCR ٹیسٹوں سے پتہ چلا ہے۔ ہیونیک نے کہا کہ دو افراد جو متاثر ہوئے ہیں وہ جنوبی افریقہ میں تھے اور اب تنہائی میں ہیں اور حکام تیسرے لنک کا سراغ لگانے کے عمل میں ہیں۔
اس سے قبل ہفتے کے روز برطانیہ نے بھی اومیکرون Omicron Variant کے دو کیسز کی اطلاع دی تھی
وزیر صحت ساجد جاوید نے کہا کہ یو کے ہیلتھ پروٹیکشن ایجنسی (یو کے ایچ ایس اے) نے چیلمسفورڈ، ایسیکس اور ناٹنگھم میں وائرس کی نئی شکل سے متاثرہ مریضوں کی شناخت کی ہے۔ دونوں کیسز ایک دوسرے سے جڑے ہوئے ہیں۔ دونوں مریض اپنے اپنے گھروں میں الگ الگ رہائش گاہوں میں ہیں اور ان کے رابطے میں آنے والوں کی تلاش کی جارہی ہے۔
وزیر صحت نے ایک ٹویٹ میں کہا، 'احتیاط کے طور پر ہم ناٹنگھم اور چیمس فورڈ میں ہدف والے علاقوں کی جانچ کریں گے اور تصدیق شدہ انفیکشن والے تمام نمونوں کو ترتیب دیا جائے گا۔ صورتحال تیزی سے بدل رہی ہے اور ہم صحت عامہ کے تحفظ کے لیے فیصلہ کن اقدامات کر رہے ہیں۔
جرمنی میں نئے کورونا ویریئنٹ کے دو کیسز کی تصدیق ہوگئی ہے
اس کا اعلان جنوبی جرمن ریاست باویریا کی حکومت نے کیا ہے۔ بتایا گیا ہے کہ یہ دو افراد 24 نومبر کو میونخ ایئرپورٹ پر اُترے تھے اور جرمنی میں داخل ہوئے تھے یعنی جنوبی افریقہ میں کورونا کی تبدیل شدہ قسم اومیکرون کے پھیلاؤ کی اطلاعات عام ہونے سے پہلے۔
- یہ بھی پڑھیں: Covid Omicron Variant: ڈبلیو ایچ او نے جنوب مشرقی ایشیائی ممالک کو احتیاط برتنے کی اپیل کی
ان دونوں افراد کو PCR ٹیسٹ کے مثبت نتائج سامنے آنے کے بعد 25 نومبر سے ’گھریلو آئسو لیشن‘ میں رکھ دیا گیا۔ کورونا ویرینٹ اومیکرون کے پھیلاؤ کی اطلاعات یورپی یونین کے دیگر رکن ممالک سے بھی موصول ہوئی ہیں۔
اٹلی میں اومیکرون قسم کے پہلے کیس کی تصدیق ہوگئی
اطالوی خبر رساں ایجنسی اے این ایس اے نے اتوار کو بتایا کہ اٹلی کے جنوبی کیمپانیا علاقے سے تعلق رکھنے والے ایک شہری میں کورونا وائرس کے اومیکرون قسم کی شناخت کی گئی ہے، جو کچھ دن پہلے موزمبیق سے میلان واپس آیا تھا۔ اے این ایس اے نے رپورٹ کیا کہ مریض، ایک بین الاقوامی کمپنی میں ملازم ہے اور ویکسین کی دونوں ٹیکے بھی لگوا چکا تھا۔جمعہ کے روز، اطالوی وزیر صحت روبرٹو سپرانزا نے ان لوگوں پر سفری پابندی پر دستخط کیے جنہوں نے گزشتہ 14 دنوں میں جنوبی افریقہ، لیسوتھو، بوٹسوانا، زمبابوے، موزمبیق، نمیبیا، ایسواتینی اور ملاوی کا دورہ کیا ہے۔
نیدرلینڈ میں بھی کووڈ کے نئے ویریئنٹ اومیکرون کے 13 کیسز رپورٹ ہوئے ہیں۔
ڈچ ہیلتھ اتھارٹی نے اتوار کو کہا کہ اسے جنوبی افریقہ سے آنے والی پروازوں کے مسافروں میں کورونا وائرس کے نئے ویریئنٹ اومیکرون کے 13 کیسز ملے ہیں۔
نیشنل انسٹی ٹیوٹ فار پبلک ہیلتھ اینڈ انوائرمنٹ نے ایک بیان میں کہا کہ ان کیسز کی شناخت 61 مسافروں میں ہوئی جنہوں کا کورونا وائرس کے لیے مثبت ٹیسٹ کیا گیا تھا اور جینوم کی ترتیب کے ابتدائی نتائج نے مثبت ٹیسٹوں میں سے 13 نمونوں میں اومیکرون Omicron ویرینٹ (B.1.1.529) ظاہر ہوا ہے۔
واضح رہے کہ جمعہ کے روز جنوبی افریقہ سے آئے 624 مسافروں کا کورونا وائرس کا ٹیسٹ کیا گیا۔ ان میں سے 61 کا ٹیسٹ مثبت آیا تھا۔
- یہ بھی پڑھی: Pfizer on Omicron Variant: فائزر کا 100 دنوں کے اندراومیکرون ویریئنٹ کا ویکسین تیار کرنے کا دعویٰ
نیا کووڈ ویریئنٹ اومیکرون کا سب سے پہلے جنوبی افریقہ میں پتہ چلا، جس کے بعد سے پوری دنیا تشویش میں مبتلا ہوگئی ہے کیونکہ اسے ڈیلٹا ویرینٹ سے زیادہ خطرناک سمجھا جارہا ہے۔ جمعہ کو عالمی ادارہ صحت (ڈبلیو ایچ او) کی جانب سے اسے تشویشناک قرار دیا گیا ہے۔
ڈبلیو ایچ او نے جنوبی افریقہ کے نئے ویریئنٹ کی نشاندہی ایک تشویشناک کے طور پر کی ہے، کیونکہ اس میں بڑی تعداد میوٹیشنز کی اطلاع ہے، جو ممکنہ طور پر اسے زیادہ قابل منتقلی اور خطرناک بناتی ہے۔ ڈبلیو ایچ او نے اسے اومیکرون کا نام دیا ہے۔
نئے ویریئنٹ کے بارے میں رپورٹس کے بعد، امریکہ، یورپی یونین، کینیڈا، اسرائیل، آسٹریلیا اور دیگر بہت سے ممالک نے صحت کے خدشات کے پیش نظر کئی جنوبی افریقی ممالک سے سفر پر پابندی لگا دی ہے۔
