اقوام متحدہ جنرل اسمبلی کی پہلی کمیٹی میں روسی نمائندے اینڈری بیلوسوف نے کہا کہ روس نے آسٹریلیا، برطانیہ اور امریکہ (آکس) کے مابین سیکورٹی معاہدہ پر چین اور جنوب مشرقی ایشیائی ممالک کی تنظیم (آسیان) کے اراکین کی طرف سے ظاہر کی تشویش شیئر کی ہے اور اسے علاقائی سلامتی کے لیے خطرہ قرار دیا ہے۔
بیلوسوف نے کہا کہ ہم نے یو این کمیٹی میں چین کی طرف سے ظاہر کی گئیں تشویش شیئر کی ہے۔ آسیان ممالک کی طرف سے آکس پر کافی سخت تشویش کا اظہار کیا گیا ہے۔
کیونکہ ان کا خیال ہے کہ یہ سہ رخی تکنیکی شراکت داری علاقائی سلامتی کے لیے خطرہ ہے۔ مثال کے طور پر انڈونیشیا اور ملائشیا نے کہا ہے کہ اس اقدام کے سے علاقہ میں ہتھیاروں کی ذخیرہ اندوزی کی دوڑ شروع ہو سکتی ہے۔
- امریکہ، برطانیہ اور آسٹریلیا کا نئے انڈو پیسفک سیکورٹی معاہدے پر اتفاق
- فرانس نے امریکہ اور آسٹریلیا سے اپنے سفیروں کو واپس بلایا
انہوں نے کہا کہ آسیان کو اس بارے میں زیادہ معلومات دینے کی ضرورت ہے کہ اس سہ رخی تعاون کے تحت کس طرح کے کام کیے جائیں گے۔
اس کے بارے میں کچھ پتہ لگنے کے بعد ہی ہم سیکورٹی، جوہری عدم پھیلاؤ کے نظام اور مختلف بین الاقوامی معاہدوں کے فریم ورک کے تحت شرکا کے عزائم پر مبنی اس اقدام کے اثرات کے بارے میں کسی نتیجہ پر پہنچ سکیں گے اور اس بارے میں کوئی سوال اٹھا سکیں گے۔
(یو این آئی)
