ورلڈ ہیلتھ آرگنائزیشن (ڈبلیو ایچ او) کے سربراہ نے بتایا ہے کہ دنیا بھر میں کووڈ 19 ویکسین کی ایک ارب خوراکیں دی گئی ہیں لیکن ان میں سے 82 فیصد اعلیٰ اور اعلیٰ درمیانی طبقے کے ممالک میں دی گئی ہیں۔
ڈبلیو ایچ او کے ڈائریکٹر ٹیڈروس ادہانوم گیبریسس نے کہا کہ کم آمدنی والے ممالک میں لوگوں کو کل ویکسین کا صرف 0.3 فیصد ہی دیا گیا ہے۔
یہ باتیں جمعرات کو پرتگال کے زیر اہتمام آن لائن صحت کانفرنس میں ٹیڈروس نے کہیں۔ انہوں نے کہا کہ یہ سچائی ہے۔
یہ بھی پڑھیں: اقوام متحدہ کووڈ۔19 کی جنگ میں بھارت کی مدد کرے گا
انہوں نے کہا کہ ویکسین تک رسائی عالمی وبائی بیماری کا سب سے بڑا چیلینج ہے۔ انہوں نے یہ بھی کہا کہ صحت عامہ معاشرتی، معاشی اور سیاسی استحکام کی بنیاد ہے۔
