مسٹر پومپیو نے ٹوئٹ کیا کہ اسرائیل کے وزیراعظم بنجامن نیتن یاہو اور میں نے ایرانی انتظامیہ کے نقصاندہ اثرات کا سامنا کرنے کی کوششوں، علاقائی ترقی اور اسرائیل کی سلامتی سے متعلق دیگر مسائل پر مثبت بات چیت کی۔
امریکی وزیرخارجہ نے ترکی کے دورے کے بعد اسرائیل کا دورہ کیا ہے۔ اس درمیان مسٹر نیتن یاہو نے بھی امریکہ کی طرف سے اسرائیل کی مسلسل حمایت کرنے کے لئےمسٹر پومپیو کا شکریہ ادا کیا۔
اسرائیلی وزیراعظم نے ٹوئٹر پر کہا کہ امریکی وزیرخارجہ پومپیو کا یروشلم میں ایک مرتبہ پھر خیرمقدم ہے۔ دونوں ممالک کے درمیان تعلقات کو مستحکم کرنے اور علاقائی امور اور ہمارے سامنے آنے والی مختلف چیلنجوں پر اہم بات چیت ہوئی۔ اسرائیل کی مسلسل حمایت کرنے کے لئے آپ اور صدر کا شکریہ ادا کرنا چاہتا ہوں۔
وزیراعظم دفتر نے کہا کہ امریکہ اور اسرائیلی اتحاد مشکلوں سے باہر نکالنے میں مغربی ایشیا کی مدد کرسکتا ہے۔
