جرمنی کی بایو فارمہ سیوٹیکل کمپنی بایو این ٹیک اور اس کی امریکی شراکت دار فائزر نے یورپی یونین (ای یو) میں کووِڈ۔19 کی ویکسین کے رجسٹریشن کے لیے رسمی طور پر درخواست دی ہے۔
دونوں کمپنیوں نے منگل کے روز جاری پریس ریلیز میں بتایا کہ اگر یہ درخواست منظور ہو جاتی ہے تو یورپی یونین کے ممالک کو رواں برس کے اختتام سے قبل اپنی آبادی کا ٹیکہ کاری شروع کرنے کی اجازت مل جائے گی۔
پریس ریلیز میں کہا گیا ہے کہ فائزر اور بایو این ٹیک نے کووِڈ-19 کے خلاف ایم آر این اے ویکسین کی مشروط مارکیٹنگ اتھارٹی کے لیے پیر کو ایک رسمی درخواست یورپین میڈیسن ایجنسی (ای ایم اے) کو سونپ دی ہے۔ فائزر اور بایو این ٹیک نے نومبر میں اعلان کیا تھا کہ ان کے ٹیکے 95 فیصد مؤثر ہیں۔
فائزر اور بایو این ٹیک نے کہا کہ انہوں نے آسٹریلیا، کینیڈا اور جاپان سمیت پوری دنیا میں درخواست دینا شروع کر دیا ہے اور مستقبل میں پوری دنیا کی دیگر ریگولیٹر ایجنسیوں کو دخواست پیش کرنے کا منصوبہ ہے۔
