اقوام متحدہ کے پناہ گزینوں کے ادارے نے پیر کے روز کہا کہ گزشتہ ہفتے روس کے حملے کے بعد سے اب تک نصف ملین سے زائد افراد یوکرین چھوڑ چکے ہیں۔ Russia Ukraine War
اقوام متحدہ کے ہائی کمیشن برائے پناہ گزینوں کے امور (یو این ایچ سی آر) کے سربراہ فلیپو گرانڈی نے ٹویٹ کرکے یہ اطلاع دی۔
جنیوا میں قائم یو این ایچ سی آر کی ترجمان شبیہ منٹو نے کہا کہ یوکرین سے 2,81,000 افراد پولینڈ اور 84,500 سے زیادہ ہنگری میں، تقریباً 36,400 مالڈووا میں، 32,500 سے زیادہ رومانیہ میں اور تقریباً 30,000 سلوواکیہ میں داخل ہوئے ہیں۔ انہوں نے کہا کہ باقی لوگ دوسرے ملکوں میں چلے گئے ہیں۔
یوکرین سے سینکڑوں پناہ گزینوں کو لے کر ایک اور ٹرین پیر کی صبح جنوب مشرقی پولینڈ کے شہر پرزیمیسل پہنچی ہے۔Russia Ukraine Tension
ٹرینیں جنگ زدہ یوکرین سے فرار ہونے والے پناہ گزینوں کو پولینڈ اور دیگر ممالک لے جا رہی ہیں۔ پولینڈ کے سرحدی محافظ نے بتایا کہ جمعرات سے اب تک یوکرین سے 2.13 لاکھ سے زائد افراد پولینڈ میں داخل ہو چکے ہیں۔
پیر کو ایک ویڈیو پیغام میں صدر ولودیمیر زیلینسکی نے کہا کہ "قابضین کی طرف سے ہر جرم، گولہ باری، ہمارے شراکت داروں اور ہمیں اور بھی قریب لاتی ہے۔"
انہوں نے روس پر مغرب کی طرف سے عائد پابندیوں کو سراہتے ہوئے کہا کہ ان کی وجہ سے روسی کرنسی کی قدر گری۔ زیلنسکی نے یورپی یونین سے کہا کہ وہ رکنیت کے لیے ایک خصوصی راستہ ہموار کریں۔
