یونان کے ہراکلیون علاقے میں زلزلے کے تیز جھٹکے محسوس کئے گئے، جس کے سبب ایک شخص ہلاک اور 12 دیگر زخمی ہوگئے۔
ملک میں آب و ہوا کے بحران اور شہری سلامتی کے وزیر کرسٹوس اسٹائلیانائڈز نے بتایا کہ یونانی جزیرے کریت کے ہراکلیون علاقے میں پیر کے روز 5.8 شدت کا زلزلہ محسوس کیا گیا۔ جس کے نتیجے میں ایک شخص کی موت اور 12 دیگر زخمی ہوگئے۔ اس کے علاوہ سینکڑوں لوگ بے گھر ہو گئے ہیں۔
کرسٹوس اسٹیلیانائڈز نے جزیرے کے دورے کے بعد صحافیوں سے کہا کہ ’’ہم سائنسدانوں کے ساتھ واقعے کی نگرانی کر رہے ہیں۔ ہم فوری طور پر تقریباً 2500 لوگوں کو پناہ اور راحت فراہم کر سکتے ہیں۔ خیمے لگائے جا رہے ہیں اور پناہ گاہ کے ساتھ کھانا بھی فراہم کیا جا رہا ہے۔
ہیراکلیون شہر سے چند کلومیٹر جنوب میں واقع ایک چھوٹے سے گاؤں ارکالوچوری سے افسوسناک تصاویر سامنے آئی ہیں۔ حکام نقصان کا جائزہ لے رہے ہیں۔
دارالحکومت ایتھنز کے نیشنل آبزرویٹری جیوڈاینامکس انسٹی ٹیوٹ کے زلزلہ کے سائنس دانوں کے مطابق، ارکالوچوری گاؤں زلزلے کے مرکز کے قریب تھا۔ زلزلے کا مرکز سطح سے 10 کلومیٹر کی گہرائی میں واقع تھا۔ فائر بریگیڈ ڈپارٹمنٹ نے بتایا کہ زلزلے کی وجہ سے چرچ کی مرمت کر رہے ایک 62 سالہ شخص کی ملبے میں دبنے سے موت ہوگئی۔
تباہ شدہ عمارتوں میں رہنے والے لوگوں سے اپیل کی گئی ہے کہ وہ کم از کم اس وقت تک باہر رہیں جب تک کہ تخمینہ مکمل نہ ہو جائے، کیونکہ زلزلے کے بعد بعض اوقات زلزلے آتے ہیں۔
یہ بھی پڑھیں: یونان، قبرص اور فرانس نے اسرائیل کے ساتھ بحری مشق میں حصہ لیا
صدر کیٹرینا سکیلاروپولو نے متاثرین سے اظہار تعزیت کیا۔
وزیر اعظم کیاری اوکوس مٹسوٹاکیس نے کہا کہ وہ زلزلے کی وجہ سے اپنی جان گنوانے والے اپنے ساتھ شہری کے کنبے کے تئیں اپنی گہری تعزیت کا اطہار کرتے ہیں۔ انہوں نے زخمیوں کی جلد صحت یابی کی دعا کی۔
