لندن پولیس نے حملہ کرنے والے شخص کی شناخت 28 سالہ عثمان خان کے طور پر کی ہے۔
پولیس نے کہا کہ اس شخص نے برطانیہ کے دارالحکومت میں لندن برج پر اور اس کے قریب بہت سے لوگوں پر چاقو سے حملہ کیا۔ اس کے بعد اسسٹنٹ کمشنر نیل باسو نے تصدیق کی کہ اس شخص کو موقع پر ہی گولی مار دی گئی تھی اور اس واقعہ کو دہشت گردانہ حملہ قراردیا گیا ہے اس واقعہ میں دو افراد کی موت ہو گئی تھی۔
پولیس نے ایک بیان میں کہا' ہم اب 28 سالہ عثمان خان کے طور پر مشتبہ کی شناخت کی تصدیق کرنے کی پوزیشن میں ہیں جو اسٹین فورڈ شائر علاقے میں رہتا تھا۔'
انہوں نے بتایا کہ مذکورہ شخص کو 2012 میں دہشت گردی سے متعلق جرائم کے لئے مجرم ٹھہرایا گیا تھا اور اسے دسمبر 2018 میں رہا کر دیا گیا تھا۔ پولیس اس بات کا پتہ لگا رہی ہے کہ اس شخص نے کس طرح حملے کا منصوبہ بنایا تھا۔
ابتدائی ثبوتوں کے مطابق مذکورہ شخص جمعہ کے روز دوپہرمیں لندن کے فش مونیگر ہال میں ایک اجلاس میں شامل ہوا اور وہیں سے وہ حملہ کرتا ہوا لندن برج تک جا پہنچا۔
