امن کا نوبل انعام 2021 فلپائن کی صحافی ماریہ ریسا اور روس کے دمتری مراتوف کو مشترکہ طور پر ان کے اظہار رائے کی آزادی کے لیے کی جانے والی کوششوں کے اعتراف میں دیا گیا ہے۔
ناروے کے نوبل کمیٹی کے سربراہ بریٹ ریس اینڈرسن نے جمعہ کو فاتحین کا اعلان کرتے ہوئے امن کا نوبل انعام فلپائن کی صحافی ماریہ ریسا اور روس کے دمتری مراتوف کو نامزد کیا۔
نوبل کمیٹی نے فلپائن اور روس کے صحافیوں کی جانب سے کیے جانے والے آزادی اظہار کے تحفظ کے لیے ان کی کوششوں کو سراہا۔
نوبل کمیٹی نے کہا کہ ریسا نے 2012 میں ایک نیوز ویب سائٹ ریپلر کی مشترکہ بنیاد رکھی جس نے (صدر روڈریگو) دوترٹے حکومت کے تنازعات اور مہلک منشیات مخالف مہم پر لوگوں کی تنقیدی توجہ مرکوز کی۔"
انھوں نے اور ریپلر نے "یہ بھی انکشاف کیا ہے کہ کس طرح سوشل میڈیا کو جعلی خبریں پھیلانے، مخالفین کو ہراساں کرنے اور عوامی گفتگو میں ہیرا پھیری کے لیے استعمال کیا جا رہا ہے۔"
اس ایوارڈ کا اعلان، جو کہ دنیا کے اعلیٰ اعزازات میں سے ایک ہے، ناروے کی نوبل کمیٹی نے ناروے کے شہر اوسلو میں جمعہ کو کیا۔
دونوں کا تعلق ایسے ممالک سے ہیں، جہاں حکومتوں اور ریاستی سیکیورٹی اداروں کی وجہ سے میڈیا پر کئی طرح کی پابندیاں عائد ہیں جب کہ انہیں عالمی برادری کی جانب سے خواتین و انسانی حقوق کی خلاف ورزیوں پر بھی تنقید کا سامنا رہنا ہے۔
- Nobel in Literature: ادب کا نوبل انعام 2021 عبدالرزاق گورنہ کے نام
- Nobel in Chemistry: مشترکہ طور پر جرمن اور اسکاٹش سائنسدانوں کے نام
- نوبیل پرائز کا اعلان، منابے، ہیسل مین اور پیرسی کو ملا ایوارڈ
- فزیولوجی اور میڈیسن کے شعبے میں نوبل انعام 2021 کے ناموں کا اعلان
پچھلے سال امن کا نوبل انعام اقوام متحدہ کے ادارہ برائے خوراک ورلڈ فوڈ پروگرام کو دنیا بھر میں بھوک اور غذائی عدم تحفظ سے نمٹنے کی کوششوں پر دیا گیا۔
امن کا نوبیل انعام جیتنے والے دونوں صحافیوں کو رواں برس 10 دسمبر کو ناروے کے شہر اوسلو میں ایوارڈ اور 10 لاکھ ڈالر کی رقم دی جائے گی، اسی دن باقی تمام نوبیل ایوارڈز جیتنے والوں کو بھی سویڈن کے دارالحکومت اسٹاک ہوم میں انعامات دیے جائیں گے۔
اب تک نوبل کمیٹی نے پانچ کیٹیگریز کے انعامات کا اعلان کر چکی ہے جب کہ ایک معیشت کے انعام کا اعلان ہونا باقی ہے۔
