جس طرح دنیا بھر میں کورونا کے نئے کیسز میں اضافہ ہوا ہے اسی طرح اٹلی میں بھی نئے کیسز بڑھ گئے ہیں۔ اٹلی کے وزیر اعظم ماریو ڈریگی نے ایک سرکاری فرمان پر دستخط کرتے ہوئے ملک میں عائد کورونا سے متعلق پابندیوں میں 6 اپریل تک توسیع کرنے کا اعلان کیا ہے۔
اٹلی میں کورونا وائرس کے پھیلاؤ پر قابو پانے کے لئے عوامی مقامات پر سوشل ڈسٹنسنگ میں رہنا اور ماسک پہننا لازمی قرار دیا گیا ہے۔ اس کے علاوہ لوگوں کو ایک جگہ جمع ہونے پر پابندی عائد کر دی گئی ہے۔
واضح رہے کہ اٹلی کی الگ الگ ریاستو ں کو مختلف زمروں میں تقسیم کیا گیا ہے۔ قابل ذکر بات یہ ہے کہ اٹلی میں اب تک 29.55 لاکھ افراد کورونا سے متاثر اور 98 ہزار 288 افراد ہلاک ہو چکے ہیں۔
