اٹلی کے صدارتی محل کے سرکاری بیان کے مطابق، اطالوی وزیر اعظم جیوزیپی کونٹے نے بڑے پیمانے پر اتحاد کے ساتھ دوبارہ حکومت بنانے کے لیے باضابطہ طور پر اپنے عہدے سے استعفیٰ دے دیا ہے۔
اٹلی کے وزیر اعظم جیوزیپی کونٹے نے وسیع تر حمایت کے ساتھ حکومت بنانے کی کوشش کے لیے باضابطہ طور پر استعفیٰ دے دیا ہے اور پارلیمنٹ میں نئی اکثریت کے لیے مشاورت بدھ کی سہ پہر سے شروع ہوگی۔ صدارتی محل سے جاری سرکاری بیان میں میڈیا کو اس بات کی جانکاری دی گئی۔
یہ بھی پڑھیں: بھارت کے یوم جمہوریہ پر روس کا تہنیتی پیغام
ملکی سینیٹ میں تقریر کرتے ہوئے کونٹے نے کہا کہ 'اس تقریر کے بعد میں ملک کے صدر کے پاس جا کر انہیں موجودہ حکومت کے خاتمے کی باقاعدہ اطلاع دوں گا اور اپنا استعفیٰ ان کے حوالے کر دوں گا'۔
اس سیاسی بحران اور وزیر اعظم کے مستعفی ہونے کے اعلان کے بعد یورپ کی تیسری بڑی معیشت کے حامل ملک اٹلی کا سیاسی مستقبل مزید غیر یقینی حالات سے دوچار ہوگیا ہے۔
