اٹلی میں کورونا وائرس سے اب تک 6820 افراد کی موت

عالمی سطح پر پھیلی وبا کورونا وائرس سے اٹلی میں اس انفیکشن سے مرنے والوں کی تعداد بڑھ کر 6820 ہو گئی ہے۔

اٹلی کے سول سکیورٹی محکمہ کے سربراہ ینجیلو بوریلی نے منگل کو ٹیلی ویژن پر ایک پریس کانفرنس میں بتایا کہ گزشتہ 24 گھنٹوں کے دوران ملک میں کوروناوائرس سے 743 لوگوں کی موت ہوئی ہے۔

بوریلی کے مطابق منگل کو اٹلی میں کورونا انفیکشن کے 5249 نئے کیس سامنے آئے ہیں جس سے متاثرہ مریضوں کی تعداد بڑھ کر 69176 ہو گئی ہے۔

اٹلی میں اب تک کورونا کے 8326 مریض مکمل طور پر ٹھیک ہو چکے ہیں اور انہیں ہسپتال سے چھٹی دے دی گئی ہے۔

اٹلی میں 21 فروری کو کورونا وائرس کا پہلا کیس سامنے آیا تھا۔ غور طلب ہے کہ اٹلی کا لومبارڈی صوبہ اس وبا سے سب سے زیادہ متاثر ہے۔