پولینڈ میں بھارتی سفارتخانے نے 19 مارچ سنہ 2021 تک اپنی تمام قونصلر خدمات عارضی طور پر معطل کرنے کا فیصلہ کیا ہے۔ پولینڈ میں کورونا وائرس کے واقعات میں اضافے کے بعد یہ فیصلہ کیا گیا ہے۔
قونصلر خدمات کی معطلی سے متعلق معلومات بھارتی سفارت خانے نے اپنے ٹویٹر ہینڈل کے ذریعے شیئر کیں۔ انہوں نے ٹویٹ کیا کہ 'برائے مہربانی توجہ دیں! پولینڈ میں کووڈ معاملات میں حالیہ اضافے کے پیش نظر 19 مارچ 2021 تک تمام قونصلر خدمات عارضی طور پر معطل کرنے کا فیصلہ کیا گیا ہے۔ صرف ہنگامی صورت حال میں اور پہلے سے تقرری کی بنیاد پر ہی خدمات انجام دی جائیں گی'۔
عالمی ادارہ صحت (ڈبلیو ایچ او) کی رپورٹ کے مطابق، پولینڈ میں تین جنوری سنہ 2020 سے 6 مارچ سنہ 2021 تک، 1،766،490 کورونا کیسز کی تصدیق ہوئی ہے۔
واضح رہے کہ پولینڈ کو 22 فروری کو 3،346،626 کورونا ویکسین کی خوراکیں فراہم کی گئی ہیں۔
