بھارت کے وزیر خارجہ ڈاکٹر ایس جئے شنکر نے ماسکو میں اپنے چینی ہم منصب وانگ یی سے ملاقات کی۔ دونوں اعلی رہنماؤں نے تقریباً دو گھنٹوں تک سرحدی تنازع و دیگر امور پر تبادلہ خیال کیا۔
امید کی جارہی ہے کہ اس ملاقات میں دونوں ممالک کے مابین جاری کشیدگی کے ساتھ ساتھ متعدد امور پر تبادلہ خیال کیا گیا ہے۔ اس ملاقات میں روسی وزیر خارجہ سرگئی لاوروف بھی موجود تھے۔
وزیر خارجہ نے آج روس کے دارالحکومت ماسکو میں آٹھ رکنی شنگھائی تعاون تنظیم (ایس سی او) کے وزرائے خارجہ کے اجلاس میں شرکت کی۔
اس ملاقات میں پاکستان کے وزیر خارجہ شاہ محمود قریشی اور روس کے وزیر خارجہ سرگئی لاوروف بھی موجود تھے۔
ایس سی او کے وزرائے خارجہ کا یہ تیسرا اجلاس تھا جس میں بھارت نے ایک مکمل ممبر کی حیثیت سے شرکت کی۔
ایس جئے شنکر شنگھائی تعاون تنظیم (ایس سی او) کے وزرائے خارجہ کے اجلاس میں شرکت کے لئے روس کے چار روزہ دورے پر ہیں۔
اس سے قبل 2018 میں 23-24 اپریل کو بیجنگ میں اور 2019 میں 21-22 مئی کو بشکیک میں دو مختلف اجلاس کا انعقاد کیا گیا تھا۔
