ہنگری کے وزیر خارجہ پیٹر سجارتو نے روس کے اسپوتنک وی ویکسین کا ٹیکہ لگوایا ہے۔
پیٹر سجاارتو نے جمعہ کے روز اپنے فیس بک پیج پر لکھا کہ "ہم صرف ویکسین کے ذریعے ہی کووڈ۔19 کے خلاف جنگ جیت سکتے ہیں۔ آج ہم نے روس کی صنعت و تجارت اور وزیر تجارت ڈینس مانٹووروف کے ساتھ مارچ میں اسپوتنک وی کی ویکسین کی فراہمی کے سلسلے میں ایک معاہدے کو حتمی شکل دے دی ہے۔
انہوں نے کہا کہ "آج میں نے یہ ویکسین کا ٹیکہ لگوایا ہے۔"
یورپی میڈیسن ایجنسی کے فیصلے سے قبل ہنگری نے اسپوتنک وی ویکسین کے ہنگامی استعمال کی منظوری دے دی ہے۔
ہنگری میں کورونا وائرس سے متاثرہ افراد کی تعداد تقریباً 5 لاکھ 50 ہزار ہے جبکہ یہاں اس بیماری سے 17 ہزار سے زیادہ افراد ہلاک ہوچکے ہیں۔
(یو این آئی)
