جرمن چانسلر انگیلا میرکل نے جرمنی میں کورونا وائرس سے متعلق پابندیوں کو 14 فروری تک بڑھانے اور مزید مضبوط کرنے کا اعلان کیا ہے۔
مرکل نے کہا: ’’ہم نے دوبارہ بات چیت کی اور کورونا سے متعلق نئے اقدامات متعارف کرانے پر اتفاق کیا۔ ہم شہریوں کی صحت کے ساتھ ساتھ معیشت اور مزدور طبقے کی خاطر احتیاطی تدابیر متعارف کرا رہے ہیں۔‘‘
انہوں نے کہا کہ 31 جنوری تک طے شدہ تمام اقدامات کو 14 فروری تک بڑھائے جانے پر اتفاق کیا گیا ہے۔
مرکل نے مزید کہا کہ جرمنی میں نئے مثبت کیسز کی تعداد بتدریج کم ہوتی جارہی ہے جو کہ حوصلہ افزا ہے۔
انہوں نے کہا کہ جرمنی میں ’برطانیوی‘ کورونا وائرس کی ابھی تک نشاندہی نہیں ہوئی ہے تاہم اس بیماری کے تیزی سے پھیلاؤ کا خطرہ بنا ہوا ہے۔
مجموعی طور پر عالمی وبا کے آغاز کے بعد سے جرمنی میں کووڈ 19 کے 20لاکھ سے زیادہ مثبت معاملات کی تصدیق ہوئی ہے۔ وہیں47،000 سے زیادہ افراد اس موذی مرض سے ہلاک ہوچکے ہیں۔
