جرمنی کی ویکسین ایڈوائزری کمیٹی نے ملک میں 30 سال سے کم عمر کے لوگوں کے لیے بایوٹیک/ فائزر ویکسین متعارف کرانے کی سفارش کی ہے۔
میڈیا رپورٹس کے مطابق جرمنی کی ویکسین ایڈوائزری کمیٹی سٹیکو نے اپنی سفارشات میں کہا ہے کہ بایوٹیک/فائزر کی ویکسین لینے والے نوجوانوں میں دل کی سوزش کی شکایات ایک ہی عمر کے گروپ میں موڈیرنا ویکسین کی خوراک لینے والوں کے مقابلے میں کم ہیں۔
یہ بھی پڑھیں: جرمنی کی سب سے بڑی مسجد میں نماز جمعہ کی اذان کیلئے لاؤڈ اسپیکر کے استعمال کی اجازت
اس بنیاد پر کمیٹی نے 30 سال سے کم عمر کے لوگوں کے لیے بایوٹیک/ فائزر ویکسین کی خوراک تجویز کی ہے۔
کمیٹی نے یہ بھی سفارش کی ہے کہ اس عمر کے گروپ کے علاوہ حاملہ خواتین کو صرف بایوٹیک/فائزر ویکسین دی جائے۔
(یو این آئی)
