فرانس: نیشنل اسمبلی میں مذہبی انتہا پسندی کے خلاف نیا بِل منظور

فرانس کی نیشنل اسمبلی نے مذہبی انتہا پسندی کے خلاف نیا بِل منظور کر لیا ہے۔ بل کا مقصد فرانس کی بنیادی اقدار، آزادی اور مساوات کے اصولوں کو تقویت دینا اور جبری شادی کو روکنا ہے۔

فرانس کی قومی اسمبلی نے بل 151 کے مقابلے میں 347 ووٹوں سے منظور کر لیا۔ بل کو قانون بنانے کے لئے اب سینیٹ میں پیش کیا جائے گا جہاں اپوزیشن کو اکثریت ہونے کی وجہ سے بل کی منظوری میں حکومت کو مشکلات پیش آسکتی ہے۔

بل میں پرتشدد کارروائیوں، مذہبی ایسوسی ایشنز کی سخت نگرانی اور مرکزی دھارے میں شامل اسکولوں کے بچوں کو اسکولوں سے باہر تعلیم دلانے کے عمل کی پابندی شامل ہے۔

(یو این آئی)