ناروے میں شمالی اٹلانٹک معاہدہ تنظیم (ناٹو) کی فوجی مشقوں کے دوران جمعہ کو ایک امریکی ایم وی -22 اوسپرے طیارہ گر کر تباہ ہو گیا، جس میں چار فوجیوں کی موت ہوگئی۔ ناروے کے وزیر اعظم جوناس گہر اسٹور نے ہفتہ کو یہ اطلاع دی۔ US Military Aircraft Crashes
جوناس گہر اسٹور نے کہا ’’ہمیں افسوسناک پیغام ملا ہے کہ کل رات امریکی طیارہ حادثے میں چار امریکی فوجیوں کی موت ہوگئی ہے۔ یہ فوجی ناٹو کی کولڈ ری ایکشن ملٹری ایکسرسائز میں حصہ لے رہے تھے۔
انہوں نے فوجیوں کے اہل خانہ، رشتہ داروں اور ان کی فوجی یونٹ کے تئیں اپنی گہری تعزیت کا اظہار کیا۔
سی این این نے ناروے کی مسلح افواج کے حوالے سے بتایا کہ جمعہ کو، فوجی طیارہ شمالی ناروے کی نورڈلینڈ کاؤنٹی میں تربیتی مشن پر تھا۔ ایم وی -22بی اوسپرے طیارہ دوسری میرین ایکسپیڈیشنری فورس (ایم ای ایف) امریکی فوجی یونٹ کو سونپی گئی تھی وہ بھی فوجی مشق میں شامل ہوا تھا۔
یہ بھی پڑھیں: مگ۔21 طیارہ حادثہ کا شکار، فضائیہ کے گروپ کپتان کی موت
نورڈ لینڈ پولیس کے سربراہ بینٹ آرنے ایلٹرسن نے سرکاری نشریاتی ادارے این آر کے کو بتایا ’’بچاؤ دستے نے ایک ہیلی کاپٹر سے حادثے کے شکار طیارے کا معائنہ کیا، طیارے کو بہت زیادہ نقصان پہنچا ہے۔
سرد جنگ کے بعد ناروے کی قیادت میں ہونے والی سب سے بڑی فوجی مشق کے طور پر، کولڈ رسپانس میں ناٹو ممالک کے 30,000 فوجی، 220 طیارے اور 50 سے زیادہ بحری جہاز شامل تھے۔
حادثے کا شکار طیارہ کولڈ رسپانس نامی مشترکہ زمینی، سمندری اور فضائی ناٹو مشق میں حصہ لے رہا تھا، جو 10 مارچ سے شروع ہوئی اور 10 اپریل تک جاری رہے گی۔
