کورونا وائرس کا خوف: اٹلی سے آسٹریا جا رہی ٹرین کو روکا گیا

دو مسافروں کے کورونا وائرس سے متاثر ہونے کے شک میں اٹلی کے وینس سے آسٹریا جارہی ٹرین کو آسٹریا کے ساتھ لگنے والی سرحد پر روک دیا گیا ہے،یہ اطلاع آسٹریا کی وزارت داخلہ نے دی ہے۔

آسٹریا کے وزیر داخلہ کارل نیہمر نے کہا کہ 'ہم نے اٹلی کے حالات کو انتہائی سنجیدگی سے لیا ہے اور ہم وہاں کے حکام کے ساتھ رابطے بنائے ہوئے ہیں۔'

انہوں نے کہا کہ 'گھبرانے کی ضرورت نہیں ہے کیونکہ ہمارا ملک اس کا مقابلہ کرنے کے لیے مکمل طور پر تیار ہے۔

واضح رہے کہ کورونا وائرس کا پہلا کیس چین کے صوبے کے ہبوئی کے دارالحکومت ووہان میں گزشتہ سال دسمبر کے آخر میں سامنے آیا تھا اور اب یہ ملک کے 31 صوبوں میں پھیل چکا ہے۔ موجودہ وقت میں یہ وبا بھارت سمیت دنیا کے 25 سے زائد ممالک میں پھیل چکا ہے۔وہیں عالمی ادارہ صحت نے جنوری کے آخر میں اس مہلک وائرس کے پھیلاؤ کو دیکھتے ہوئے عالمی صحت ایمرجنسی کا اعلان کیا تھا۔