فرانس میں پھر سے نافذ ہوگا کرفیو

حالات قابو میں ہیں، لیکن ہم ایسی حالت میں ہیں جو باعث تشویش ہے اور خوف پیدا نہیں ہونا چاہیے۔ ہم نے ابتدائی لہر سے بہت کچھ سیکھا ہے۔

فرانس کے ایمینوئل میکخواں نے کورونا کے قہر کو روکنے کے لیے جمعہ سے ملک گیر کرفیو کے نفاذ کا اعلان کیا ہے، شہروں میں کرفیو رات 9 بجے سے صبح 6 بجے تک نافذ رہے گا۔

ایمینوئل میکخواں نے ایک ٹیلی ویژن انٹرویو میں کہا 'کرفیو الے ڈی فرانس علاقے اور 8 دیگر میٹروپولیٹن علاقوں۔ گرینوبل، لیلے، روین، لیون، ایکس مارسلے، سینٹ ایٹیئن، ٹولوز، مونٹے نیلیئر اور روئن میں نافذ کیا جائے گا۔'

انہوں نے کہا 'فرانس میں کورونا وائرس وبا کی دوسری لہر میں ہر روز اوسطاً 20 ہزار نئے معاملے سامنے آرہے ہیں۔ ہم ایسے مرحلے میں داخل ہوچکے ہیں جہاں اسے ہر حال میں روکنا ہوگا۔'

حالات قابو میں ہیں، لیکن ہم ایسی حالت میں ہیں جو باعث تشویش ہے اور خوف پیدا نہیں ہونا چاہیے۔ ہم نے ابتدائی لہر سے بہت کچھ سیکھا ہے۔

انہوں نے کہا کہ کرفیو کے دوران رات 9 سے صبح 6 بجے کے درمیان ٹریفک پر پابندی نہیں ہوگی لیکن سفر کو محدود کیا جائے گا۔ انہوں نے کہا ہمیں سبھی علاقوں میں کام کرنے کا اہل ہونا چاہیے۔

انہوں نے کہا کہ وزیراعظم جین کیسٹیکس جلد ہی پریس کانفرنس کر کے اس سلسلے میں جانکاری دیں گے۔

واضح رہے کہ دنیا بھر میں کورونا وائرس کے سب سے زیادہ کیسز امریکہ اس کے بعد بھارت میں ہے، ان دونوں ممالک میں کورونا وائرس سے ہلاکتوں کی تعداد بھی سب سے زیادہ ہیں۔