کورونا کا قہر جاری: دنیا بھر میں ایک دن میں ڈیڑھ لاکھ نئے کیسز

عالمی ادارہ صحت (ڈبلیو ایچ او) کا کہنا ہے کہ کورونا وائرس (کووڈ۔19) کے پھیلاؤ میں شدت آرہی ہے اور دنیا بھر میں جمعرات کو نئے ڈیڑھ لاکھ کیسز سامنے آئے ہیں جن میں سے نصف سے زیادہ امریکہ میں تھے۔

ڈبلیو ایچ او کے جنیوا ہیڈکوارٹر میں ویڈیو بریفنگ کے دوران ڈائرکٹر جنرل ٹیڈرس نے بتایا کہ اس وقت دنیا ایک نئے اور خطرناک مرحلے میں ہے۔ کورونا وائرس اب بھی تیزی سے پھیل رہا ہے اور یہ اب بھی جان لیوا ہے۔

عالمی ادارہ صحت

ڈاکٹر ٹیڈرس کا کہنا تھا کہ نئے کیسز کی زیادہ تعداد امریکہ میں سامنے آرہی ہے۔ انہوں نے ایک مرتبہ پھر لوگوں سے سماجی فاصلہ (سوشل ڈسٹنسنگ) اور انتہائی الرٹ رہنے پر زور دیا۔

غیر ملکی میڈیا کے مطابق اب تک کورونا وائرس سے دنیا بھر میں 4 لاکھ 62 ہزار 693 افراد جان کی بازی ہار چکے ہیں۔