برطانیہ کے وزیراعظم بھی کورونا وائرس کا شکار

برطانیہ کے وزیر اعظم اور بریگزٹ کے سب سے بڑی حامی بورس جانسن بھی مہلک وبا کورونا وائرس سے متاثر پائے گئے ہیں۔

ٹویٹ

بورس جانسن نے خود ایک ویڈیو جاری کرکے اعلان کیا ہے کہ گزشتہ 24 گھنٹوں کے دوران ان میں اس وبأ کی علامت ظاہر ہوئی ہیں اور طبی جانچ میں ان کا کورونا ٹیسٹ پازیٹیو پایا گیا ہے۔

انھوں نے مزید کہا ہے کہ ' میں نے خود کو آئسولیٹ کرلیا ہے لیکن میں سرکاری کام کاج گھر سے ویڈیو کانفرنسنگ کے ذریعے کرتا رہوں گا جیسا کہ ہم کورونا وائرس سے مقابلے کے لیے کررہے ہیں'۔

انھوں نے ٹویٹر پر ہیش ٹیگ دیتے ہوئے عوام سے اپیل بھی کی ہے کہ ' اسٹے ہوم، سیو لائیوز' جس کا مطلب ہے کہ گھر پر رہیں اور زندگیاں بچائیں اور یہ بھی لکھا ہے کہ ہم ساتھ مل کر اسے ہرائیں گے'۔