آسٹریلیا میں محققین نے دعویٰ کیا ہے کہ ایسی دو دوائیں تحقیق کے دوران انہوں نے پائی ہیں جن سے کوروناوائرس کا علاج ممکن ہوسکے گا۔ اس میں سے ایک ایچ آئی وی کی دوا ہے اور دوسری ایک ملیریا سے بچنے والی دوا ہے جسے کلوروکین کہتے ہیں۔
آسٹریلیائی محققین نے پیر کے روز دعویٰ کیا کہ انہیں ایچ آئی وی اور ملیریا سے بچنے والی ایسی دو دوائیں ملی ہیں، جو کورونا وائرس میں کا رآمد ثابت ہوں گی۔
کیونسلینڈ سینٹر برائے کلینیکل ریسرچ کے ڈائریکٹر ڈیوڈ پیٹرسن نے خبررساں ایجنسی کو بتایا کہ یہ دو دوائیں، جو ٹیسٹ ٹیوب میں جانچ کی گئی تھیں، وہ کورونا وائرس کو روکنے میں کامیاب ثابت ہوئیں۔ اس کے بعد ہم لوگ اسے انسانوں پر کلینیکل ٹرائل کرنے کے لئے تیار تھے۔
ان دو دواؤں میں ایک ایچ آئی وی کی دوا ہے اور دوسری کلوروکین نامی انسداد ملیریا کی دوا ہے۔ پیٹرسن نے کہا کہ آسٹریلیا میں کووڈ 19 کے پہلے چند مریضوں کو یہ دوائیں دی گئیں جس کے بعد وہ پوری طرح ٹھیک ہوگئے۔ اس لئے یہ ممکنہ طور پر موثر علاج ہے۔ اس علاج کے بعد مریض میں کسی قسم کا وائرس نہیں ملے گا۔
رویال برسبین اور خواتین اسپتال کے متعدی بیماری کے ایک معالج نے کہا کہ ہم اس وقت کیا کرنا چاہتے ہیں، اس پر فوکس کر رہے ہیں۔ ایک بڑے پیمانے پر پورے ملک میں 50 اسپتالوں کو دیکھ رہے ہیں اور ہم جس چیز کا موازنہ کرنے جارہے ہیں وہ ایک دوا کے مقابلے میں دو دوائوں کو ملانے کی ترکیب ہے۔
کوئینز لینڈ کے ریسرچ ڈائریکٹر نے کہا کہ "ہم ابھی ابتدائی مراحل میں ہیں اور اس ریسرچ میں آسٹریلیائی شہریوں کا اندراج کرنے کے ساتھ بہت تیزی سے آگے بڑھ سکتے ہیں۔ ہم آسٹریلیائی باشندوں کو صرف کسی اندازے کے بجائے بہترین ٹریٹمنٹ دینا چاہتے ہیں۔''
