پاکستان کے صوبہ بلوچستان میں ڈیتھ اسکواڈز اور پاکستانی نیم فوجی دستوں کی جانب سے بلوچ خواتین کی ہلاکتوں کے خلاف برش یکجہتی کمیٹی کے ذریعہ لندن میں ایک زبردست احتجاجی مظاہرہ کیا گیا۔
مظاہرین نے بلوچستان میں مسلسل بڑھتی ہوئی انسانی حقوق کی خلاف ورزیوں اور ہرنائی واقعے کے خلاف نعرے بازی کی۔ قابل ذکر ہے کہ ہرنائی واقع میں پاک فوج نے قیصر چغلیری کے اہل خانہ سمیت اس کی 9 سالہ بیٹی ناز بی بی کو ہلاک کردیا تھا۔
بلوچ نیشنل موومنٹ یوکے زون کے صدر حکیم بلوچ نے کہا' برطانیہ میں بلوچ برادری بلوچستان میں پاکستان کی فوجی کارروائی کی شدید مذمت کرتی ہے۔'
اس دوران بلوچستان راجی زرمبیش کے رہنما عبداللہ بلوچ نے کہا کہ' پاکستان نے بلوچستان میں تباہی اور دہشت گردی پیدا کرنے کے لئے اپنے ڈیتھ اسکواڈز کو تیار کیا ہے۔ وہ معصوم بلوچ خواتین کو قتل کرکے اور گھروں پر حملہ کرکے پوری بلوچ برادری کو خوفزدہ کرنا چاہتے ہیں تاکہ لوگ غیر محفوظ محسوس کریں۔'
واضح رہے کہ سکیورٹی اداروں کے ذریعہ صوبہ بلوچستان میں سیاسی کارکنان، دانشور، خواتین اور بچوں کی ایک بڑی تعداد لاپتہ ہوئی ہے۔ ان میں سے بیشتر حراستی مراکز میں مقیم ہیں جبکہ ان میں سے کچھ بلوچوں کی لاشیں تنہا جگہوں پر پائی گئیں۔
یورپ اور دنیا کے دیگر حصوں میں پناہ لینے والے بلوچوں کی ایک بڑی تعداد عالمی برادری کی حمایت بڑھانے اور پاکستان اور اس کی سکیورٹی ایجنسیوں پر دباؤ ڈالتی ہے کہ وہ بلوچستان میں انسانی حقوق کی پامالیوں کو روکیں۔
