نیدرلینڈ کے شہر ہیگ کی پولیس نے ٹوئٹ کرتے ہوئے کہا ہے کہ ’ہیگ شہر کے دی مالی ولڈ میدان کو خالی کرا لیا گیا ہے۔ تقریباً چار سو افراد کو گرفتار کیا گیا ہے، جن میں سے بیشتر کو رہا کر دیا گیا ہے۔‘
اس سے قبل حکام نے کورونا وائرس سے متعلق پابندیوں کے خلاف احتجاج کرنے پر روک لگا دی تھی۔ لیکن میئر جوہان ریمس نے بعد میں ایک چھوٹے سے مظاہرے کی اجازت دے دی تھی۔
پولیس نے بتایا کہ شروع میں دی مالی ولڈ میدان میں پر امن طور پر مظاہرہ ہوا۔ لیکن بعد میں فٹ بال کے شرکاء نے پولیس کے ساتھ لڑائی شروع کر دی۔ انہوں نے پولیس پر پتھراؤ اور آنسو گیس کے گولے پھینکے۔ مظاہرین کو کھدیڑنے کے لیے پولیس نے آنسو گیس کے گولے داغے۔
نیدرلینڈ کے عوامی صحت اور ماحولیات انسٹی ٹیوٹ کے مطابق، ملک میں اب تک 49500 سے زیادہ افراد اس وبا سے متاثر ہو چکے ہیں اور اس کی وجہ سے 600 سے زائد افراد ہلاک ہو چکے ہیں۔
