کرغزستان میں کورونا انفکشن کے 511 نئے معاملے،نائب وزیر صحت متاثر

کرغزستان میں گذشتہ 24 گھنٹوں کے دوران کورونا وائرس کے انفکشن کے 511 نئے معاملے سامنے آئے ہیں اور ملک کے نائب وزیر صحت نوربلوٹ یوزن بائیف کی بھی اس انفکشن سے متاثر ہونے کی تصدیق ہوئی ہے۔

اس سےقبل وزیر صحت صابرجان عبدکریموف بھی کورونا وائرس کی زد میں آچکے ہیں۔

وزارت صحت کی افسر اینورہ اکماتوف نے بتایا کہ دونوں وزرا ءکو ضروری طبی امداد دی جارہی ہے۔

محترمہ اکماتوف نے بتایا کہ 24 گھنٹوں میں آئے 511 کیسز کے ساتھ ملک میں متاثرین کی کل تعداد 9358 ہوگئی ہے۔مزید چھ مریضوں کی موت کے بعد اس بیماری سے مرنے والوں کی تعداد 122 ہوگئی۔اس کے علاوہ3134 افرادکورونا سے شفایاب ہوچکے ہیں۔