فرانس میں کورونا کے 47،637 نئے کیسز

کرونا وائرس کے تیزی سے بڑھتے ہوئے کیسز پر قابو پانے کے لئے حکومت نے ملک بھر میں دوسرا لاک ڈاؤن نافذ کیا ہے۔

فرانس میں دوسرے لاک ڈاؤن کے آغاز سے قبل جمعرات کی شام کو عالمی وبا کورونا وائرس کے 24 گھنٹوں کے دوران 47،637 نئے کیسز رپورٹ ہوئے۔

فرانس کو کورونا وائرس کی دوسری لہر کا سامنا ہے اور ان نئے کیسز کے رپورٹ ہونے کے بعد ملک میں کورونا سے متاثرہ افراد کی تعداد بڑھ کر 10.28 لاکھ سے زائد ہوگئی ہے جبکہ گذشتہ 24 گھنٹوں میں 235 کورونا مریضوں کی ہلاکتوں سے مجموعی تعداد 36،020 ہوچکی ہے۔ اس وقت ملک کے مختلف اسپتالوں میں 21،183 کورونا مریض ہیں جن میں سے 3156 مریض آئی سی یو میں داخل ہیں۔

کرونا وائرس کے تیزی سے بڑھتے ہوئے کیسز پر قابو پانے کے لئے حکومت ملک بھر میں دوسرا لاک ڈاؤن نافذ کرنے پر مجبور ہے جسے جمعہ سے لاگو کیا جائے گا۔

فرانسیسی صدر امانوئل میکرون نے بدھ کی شام اس کا اعلان قوم سے خطاب کرتے ہوئے کیا کہ ’’دوسرے لاک ڈاؤن میں صرف گھر سے باہر جانے کی اجازت دی جائے گی۔ طبی معائنہ کے لئے کام پر جانے کے لئے بھی مدد فراہم کی جائے گی۔ اس دوران صرف خریداری کرنے کے لئے گھر سے باہر جانے کی اجازت ہوگی۔‘‘