جارجیا کے جگدیدی شہر میں سلامتی دستوں نے بندی بنائے گئے 40 سے زیادہ یرغمالیوں کو صحیح سلامت رہا کرایا ہے جبکہ سکیورٹی مہم ابھی بھی جاری ہے۔ وزارت داخلہ نے جمعرات کو اس کی اطلاع دی۔
بدھ کو ایک بندوق بردار نے جگدیدی میں بینک آف جارجیا کے دفتر میں لوگوں کو یرغمال بنا لیا تھا۔ ملزم نے بعد میں پولیس کے سامنے خودسپردگی کردی تھی۔
جارجیا میں 40 سے زیادہ یرغمال صحیح سلامت رہا
وزارت نے بیان جاری کر کے کہا کہ ’’وزارت بتانا چاہتی ہے کہ سکیورٹی دستوں نے جائے وقوع پر سرگرمیاں ابھی ختم نہیں کی ہیں اور بچاؤ مہم جاری ہے۔ ایجنسی ایک بار پھر لوگوں کو آگاہ کرتی ہے کہ وہ کسی بھی طرح کے جھانسے میں نہ آئیں جو جاری مہم میں رخنہ پیدا کرسکتا ہے۔‘‘
بیان میں کہا گیا ہے کہ ’’اس وقت 43 یرغمالیوں کو بینک کی عمارت سے باہر نکالا جا چکا ہے اور پولیس نے انہیں محفوظ مقامات پر بھیج دیا ہے۔ جائے وقوع پر جانچ جاری ہے۔
