شمالی اٹلی میں اتوار کے روز ایک کیبل کار کے اونچی پہاڑی سے گر نے اور ڈھلان سے ٹکراتے ہوئے نیچے آنے سے 14 افراد ہلاک ہو گئے ہیں۔
اس کیبل کار کے ذریعے لوگ پہاڑ کی اونچائی سے دلکش قدرتی مناظر سے لطف اندوز ہوتے تھے۔
حکام نے بتایا کہ اس حادثے میں صرف ایک بچہ زندہ بچا ہے، جس کی ہڈی ٹوٹ گئی ہے اور وہ اسپتال میں زیر علاج ہے۔
اسرائیلی وزارت خارجہ نے بتایا کہ ہلاک ہونے والوں میں چھ اسرائیلی شہری ہیں، جن میں چار افراد کا ایک کبنہ بھی شامل ہے، جو اٹلی میں مقیم تھا۔
اسٹریسا کے میئر، جہاں یہ واقعہ پیش آیا نے بتایا کہ ایسا معلوم ہوتا ہے کہ ایک کیبل ٹوٹ گئی جس سے یہ حادثہ پیش آیا۔
میئر مارسیللا سیوریو نے کہا کہ کیبل کار کچھ درختوں سے ٹکرانے سے پہلے دو یا تین بار الٹ گئی۔ مرنے والوں میں سے کچھ کیبن سے باہر گر گئے۔
اٹلی کی حکومت نے اس تباہی کی تحقیقات کے لئے ایک کمیشن کا اعلان کیا ہے۔
